Khayalaat

by Muhammad Tauseef, 19th Jan, 2021
Read 791 times

Mujhe maloom hai mohabbat hoti hai ab bhi

Magar chahiye koi mohabbat karne wala

Safo'n me mohabbat ki shamil hain hum bhi

Zaruri hai ho koi wafa karne wala

Kharabi zamane me yu to bahut hai

Magar phir bhi ho koi shukr karne wala

Faraagat ke lamhe mayassar hai kisko

Masroofiyat me apni ho sabr karne wala

Moajize mohabbat me hote hai yu'n bhi

Koi wafa karne wala koi khafa karne wala

Andhero ki basti me shama tum hi dhudho'n

Koi baghbaa'n ho aisa jo gulshan saja de

Koi rahnuma ho aisa jo rahguzar dikha de

Shama bujh rahe hai jo unhe firse jala de

Mujhe yaqeen hai mohabbat hoti hai ab bhi

Magar chahiye koi mohabbat karne wala 

Blog posted on 19th Jan, 2021 <> around 8 months ago
Comments 4 comments
Mohd Ashraf Siddiqui
Very nice poem mind blowing
Inzamam Ul Haq
Masha Allaah bahut khoob👍👍👌👌
Bushra khan
remarkable lines, weightage in words Good job keep Going
Shivam
Bht khoob bhai 👏👏
Yarikul
Powered by Yarikul